ماهي تقنية التصميم الثلاثي الابعاد 3D

السلام عليكم ورحمة الله وبركاته

كلنا يابنات تتمنى يكون ديكور بيتها على افضل شكل وبأرقى ديكور  

نتفرج ع المسلسلات والقصور الفخمه والديكور الرائع ونتمنى نصمم نفسه 

نروح هنا وهنا نبحث 

ونسأل هذا وهذا 

نشتري اثاث فخم بس مانعرف  احيا ن كيف نوزعه على الغرف او الزوايا

وهالشئ يضيع جمالية الديكور  

طيب وش الحل يااخت ريم ....؟؟؟

الحل يابنات انك تجربي تستخدمي تقنية جديدة اسمها 3D MAX 

وش هي هذي التقنية ..؟؟

التقنية هذي ياحلوات انك  تصممين غرفتك - مطبخك - حديقتك - مكتبك  وتعدلين وتغيرين بالتصميم يعني تشيلين مثلا الستارة وتحطين الستارة الي ببالك  لون وقماش وستايل

تشيلين الفرض تحطين سيراميك او تفرشي اي نوع من الفرش باللون الي تبينه

ماعجبك ؟ تحذفين وتعدلين  اليييييييين توصلين للشكل الي تبينه 

طيب ياذكية وش الفايدة من الشيل والحط والحذف وغيره ..؟

الفائدة ياقلبي هي التالي 

1.    تقليل التكلفة عليك  يعني مثلا بدل تروحين تشترين فرشه غااااااليه ولما تجين تحطينها الغرفة مثلا تطلع غير متناسقه مع الاثاث ويروح عليك سعر الفرشه او تظطرين تغيرين شئ من الاثاث او تصبغين الجدار  يعني حووسه  التقنية هذي تساعدك ماتروحين تاخذين الفرشة او تصبغين الجدار الا وانتي عارفة وش راح يطلع شكلها 

2.    لو حبيتي مثلا تتعاملين مع مصمم ديكور يكون ماتتعبين بالشرح ولايعطيك اراء يمكن ماتكون مناسبة لك كل الي عليك عطيه التصميم وهو فقط يشتري ويركب يعني اختصرتي وقتك ووقته وانجزتي العمل باسرع وقت 

3.    من خلال التقنية  راح يتكون عندك فهم سريع وصحيح لتصميم الديكور وتتعرفين على احدث التصاميم في عالم الديكور  بدون تظطرين تشترين كاتالوجات او تروحين لكذا محل تتفرجين على الاثاث والقطع كلها موجوده ببرنامج واحد يمكنك تتفرجي وتشوفي وتضيفي وتعدلي 

4.    يكون عندك تصميم واضح تقدرين تعرضينه على اكثر من شخص لاخذ رأيه قبل البدء 

وانتو تعرفون احيان لما نسوي ديكور ويجي احد يزورنا يقول لو كنتي شلتي هذا هنا او لو اللون هذا غير او او  يكون فات الاوان على  التعديل لكن التصميم الي بيدك ماراح يتنفذ الا لما توصلين لقناعة 100% فيه ومحد يقدر يأثر على قناعتك 

5.    تتعرفين على الماده المناسبة للجدران سواء  اعمل دهان ( تعتيق -  رسم على الجدران وغيرها ) او ورق جدران   الخ

6.    تقدري تحددين اي خطأ ممكن تقعين فيه او يقع فيه مصمم الديكور اثناء التنفيذ

7.    اخر شئ  تقدرين تستفيدين من التصميم ( ماديا ) كيف...؟  يعني لو احد عجبه شغلك الديكور عندك غرفتك منزلك حديقتك وبدل  فتقدرين تعرضين التصميم للبيع  جاهز وتكسبين من ناحيتين صممتي ديكور حسب رغبتك + الاستفاده ماديا من التصميم 

 وفوائد كثيررررره تكتشفينه مع استخدام التقنيه 

واذا حابه تشوفين صور لتصاميم بهالتقنية شوفي الرابط هذا 

اضغطي هنا ياحلووه

واي استفسار بهالمجال انا تحت امركم  

Posted in: التصاميم,شروحات,عروض دعائية,مكتب ديكور كوم للتصميم الداخلي